१२ मंसिर,
बाँके : राष्ट्रपति रामचन्द्र पौडेलले आउँदो प्रतिनिधिसभा सदस्य निर्वाचनमा सेना परिचालन गर्न स्वीकृति प्रदान गरेका छन्।
उहाँले आउँदो फागुन २१ गतेका लागि तय भएको प्रतिनिधिसभा सदस्य निर्वाचनका लागि सेना परिचालनको स्वीकृति प्रदान गरेका हुन्।
मंसिर ८ गते बसेको मन्त्रिपरिषद् बैठकले सेना परिचालनको स्वीकृतिका लागि राष्ट्रपतिसमक्ष सिफारिस गरेको थियो। त्यसअघि मंसिर ४ गते बसेको राष्ट्रिय सुरक्षा परिषद्को बैठकले सेना परिचालन गर्ने निर्णय गर्न मन्त्रिपरिषद्मा पठाएको थियो ।
राष्ट्रपति पौडेलले बिहीबार मन्त्रिपरिषद्को सिफारिसलाई स्वीकृति प्रदान गरेको राष्ट्रपति कार्यालयका प्रवक्ता प्रदीप कुमार कोइरालाले जानकारी दिए।
